Қазақстандағы «Пәкістанның Ұлттық Банкі» ЕБ АҚ тікелей қаржылық қамтамасыз ету немесе несиелік желі клиенті үшін бекітілген мөлшер шегінде клиенттердің тапсырмасы бойынша аккредитивтерді шығару қызметін ұсынады.

Құжаттамалық аккредетив – аккредитив шарттарына сәйкес ұсынылған құжаттар бойынша ақша сомасын, пайдасына аккредитив шығарылған тарапқа (бенефициарға) төлеуі туралы аккредитив шығарушы банктің қайтарып алынбайтын міндеттемесі.

Аккредитивтерді пайдаланудың басымдықтары:

Сатып алушы үшін:

• Қолма-қол ақшасыз қаржыландыру
• Алдын ала төлем орнына тауарды жөнелту/түсіріп алу фактісі бойынша төлеу
• Сіздің келісімшартыңызды жедел және маманданған деңгейде жүргізу.

Сатушы үшін:

• Жеткізілген/түсірілген тауар (көрсетілген қызмет) бойынша төлемді алу кепілдігі
• Тауарды өткізу нарығының кеңеюі

Шығарылған аккредитив бойынша қамтамасыз етулер келесілерді қамтиды:

• аккредитив сомасынан 100 % баламалы мөлшерде кез-келген валютада ақшалай орнын толтыру. Клиентпен тек Банктің операциялық комиссиялары төленеді.
• Клиенттің қолданыстағы несие желісі аясындағы кезекті үлесті несие (транш). Клиентпен Банктің операциялық комиссиялары + несие желісі бойынша қолданыстағы пайыздық мөлшерлемелерге сәйкес комиисиялар төленеді.
• Кепілдік қамтамасыз ету: Кепіл ретінде келесілер танылады: жылжымайтын мүлік, құрал-жабдық, депозиттегі қаражат және т.б. Клиентпен Банктің операциялық комиссиялары + тәуекелділік үшін комиссия төленеді. Бұл ұсынылған кепілдік сомасына және оның өтімділігіне байланысты жеке есептеледі және бекітіледі.
• Жоғарыда келтірілген нұсқалардың аралас қамтамасыз етілуі.

Аккредитив шығару үшін Қазақстандағы «Пәкістан Ұлттық Банкі» ЕБ АҚ ашылған шоттың бар болуы міндетті шарт болып табылады.